ഫ്ലാഷ്

ഐ ഇ ഡി സി കുട്ടികള്‍ക്കുള്ള പഠനയാത്ര വിവിധ ബി ആര്‍ സി കളില്‍

Wednesday, 18 April 2018

അവധിക്കാല അധ്യാപകപരിശീലനം - ഡി ആര്‍ ജി ട്രെയിനിങ്ങിന് തുടക്കമായി

വിവിധ വിഷയങ്ങളില്‍ / ക്ലാസുകളില്‍  നടന്ന ഡി ആര്‍ ജി ട്രെയിനിങ്ങിലൂടെ...







Thursday, 15 March 2018

ഹലോ ഇംഗ്ലീഷ് വിജയ പ്രഖ്യാപനം

സംസ്ഥാനത്തെ പ്രാഥമിക വിദ്യാലയങ്ങളിലെ  വിദ്യാര്‍ത്ഥിക്ക്  ഇംഗ്ലീഷ് ആത്മവിശ്വാസത്തോടെ അനായാസം കൈകാര്യം ചെയ്യുന്നതിന് പ്രാപ്തരാക്കാനായി സര്‍വ്വശിക്ഷാ അഭിയാന്‍റെ  ആഭിമുഖ്യത്തില്‍  മാര്‍ച്ച് 7 മുതല്‍ 12 വരെ 5 ദിവസമായി പൂമംഗലം യു പി സ്കൂളില്‍ നടന്ന ഹലോ ഇംഗ്ലീഷിന്‍റെ വിജയപ്രഖ്യാപനം 33 വിദ്യാര്‍ത്ഥികളുടെ ഇംഗ്ലീഷിലുള്ള സ്കിറ്റ്, സ്വാഗതഗാനം, സംഭാഷണം, വായന തുടങ്ങി വിവിധ പരിപാടികളോടെ നടത്തി. കുറമാത്തൂര്‍ പഞ്ചായത്ത്  പ്രസിഡണ്ട് ഐ.വി.നാരായണന്‍റെ അധ്യക്ഷതയില്‍  കണ്ണൂര്‍ ജില്ലാ വൈസ് പ്രസിഡണ്ട് പി. പി. ദിവ്യയാണ് വിജയപ്രഖ്യാപനവും ക്ലാസ് നയിക്കുന്ന അധ്യാപകരെ ആദരിക്കലും നിര്‍വ്വഹിച്ചത്. എസ് എസ് എ ജില്ലാ പ്രോജക്ട് ഓഫീസര്‍ ഡോ. പി.വി. പുരുഷോത്തമന്‍ പദ്ധതി വിശദീകരണം നടത്തി . പി. ഐ . സുഗുണന്‍ ( എ . ഒ- ഡി ഡി ഇ ഓഫീസ് കണ്ണൂര്‍), ഡയറ്റ് പ്രിന്‍സിപ്പല്‍ കെ. പ്രഭാകരന്‍, എസ് എസ് എ പ്രോഗ്രാം ഓഫീസര്‍മാരായ ടി.പി. വേണുഗോപാലന്‍, വിശ്വനാഥന്‍   ബി പി ഒ  എസ്. പി. രമേശന്‍ എന്നിവര്‍ സംസാരിച്ചു.







ഗണിതവിജയം ലക്ഷ്യസാക്ഷാത്ക്കാര പ്രഖ്യാപനവും സെമിനാറും - 5/3/2018

എല്ലാ കുട്ടികളെയും ഗണിതശേഷികളുടെ ഉടമകളാക്കാന്‍ സര്‍വ്വശിക്ഷാ അഭിയാന്‍ നടപ്പിലാക്കിയ  ഗണിതവിജയം പദ്ധതിയുടെ ലക്ഷ്യസാക്ഷാത്ക്കാര പ്രഖ്യാപനം ശിക്ഷക്സദനില്‍ നടന്നു. പഞ്ചായത്ത് പ്രസിഡണ്ട്  കെ. വി. സുമേഷ് ഉദ്ഘാടനം ചെയ്തു. പൊതുവിദ്യാഭ്യാസത്തിന്‍റെ മികവ് വര്‍ദ്ധിപ്പിക്കാനുള്ള കാര്യക്ഷമവും നുതനവമായ ഇടപെടലാണ് ഗണിതവിജയമെന്ന് അദ്ദേഹം പറഞ്ഞു. ഗണിതപഠനം രസകരവും ആസ്വാദ്യവുമാക്കുന്നതിലൂടെ കുട്ടികളുടെ വിവിധ കഴിവുകള്‍വളരുമെന്നും അദ്ദേഹം കൂട്ടിച്ചേര്‍ത്തു. ജില്ലാപഞ്ചായത്ത് വിദ്യാഭ്യാസ സ്റ്റാന്റിംങ്ങ് കമ്മറ്റി ചെയര്‍മാന്‍ കെ.പി. ജയബാലന്‍ അധ്യക്ഷനായി. ഗണിതവിജയം വിജയകരമായി പൂര്‍ത്തിയാക്കിയ ജില്ലയിലെ 15 വിദ്യാലയങ്ങല്‍ക്കുള്ള ഉപഹാരം മേയര്‍ ഇ. പി. ലത വിതരണം ചെയ്തു. ഗണിതോപകരണ പ്രദര്‍ശന ഉദ്ഘാടനം ഡയറ്റ് പ്രിന്‍സിപ്പല്‍ കെ. പ്രഭാകരന്‍ നിര്‍വ്വഹിച്ചു. കണ്ണൂര്‍ ഡി ഇ ഒ കെ. വി. ലീല, എ ഇ ഒ കെ.വി. സുരേന്ദ്രന്‍, സയന്‍സ് പാര്‍ക്ക് ഡയറക്ടര്‍ എ.വി. അജയകുമാര്‍ , അധ്യാപക സംഘടനാ നേതാക്കളായ വി.പി. മോഹനന്‍, കെ. രമേശന്‍ എന്നിവര്‍ സംസാരിച്ചു. എസ് എസ് എ ജില്ലാ പ്രോജക്ട് ഓഫീസര്‍ ഡോ. പി. വി. പുരുഷോത്തമന്‍ സ്വാഗതവും, ബി പി ഒ കൃഷ്ണന്‍ കുറിയ നന്ദിയും പറഞ്ഞു.   ഗണിതബോധനത്തിലെ വെല്ലുവിളികള്‍ സാധ്യതകള്‍ എന്ന വിഷയത്തില്‍ നടന്ന സെമിനാര്‍ ഡയറ്റ് മുന്‍ പ്രിന്‍സിപ്പാള്‍ സി. എം. ബാലകൃഷ്ണന്‍ ഉദ്ഘാടനം ചെയ്തു. ഡയറ്റ് ലക്ചറര്‍ എസ്. കെ. ജയദേവന്‍ വിഷയം അവതരിപ്പിച്ചു.  സി . പി. പത്മരാജന്‍- ഡി ഡി ഇ  ഇന്ചാര്‍ജ്ജ് അധ്യക്ഷനായി. പ്രോഗ്രാം ഓഫീസര്‍ ടി.വി. വിശ്വനാഥന്‍ സ്വാഗതവും  എ ഇ ഒ പി.പി. സനകന്‍ നന്ദിയും പറഞ്ഞു.













Edu Fest -2018 (2018 ഫെബ്രുവരി 17 ..)

തളിപറമ്പ്നിയോജകമണ്ഡലത്തിലെ എന്‍റെ സ്കൂള്‍ സമഗ്ര വിദ്യാഭ്യാസ പദ്ധതിയുടെ  ഭാഗമായി സംഘടിപ്പിച്ച വിദ്യാഭ്യാസ പ്രവര്‍ത്തകരുടെ വാര്‍ഷിക കൂടിച്ചേരലാണ്  Edu Fest -2018. മണ്ഡലത്തിലെ 1 മുതള്‍ 12 ക്ലാസുകളിലെ മുഴുവന്‍ അധ്യാപകരും, പി ടി എ , മദര്‍ പി ടി എ  പ്രസിഡണ്ടുമാരും ജനപ്രതിനിധികളും  വിദ്യാഭ്യാസ ഉദ്യോഗസ്ഥരും പങ്കെടുത്തു. 2017-18 വര്‍ഷത്തെ വിദ്യാലയങ്ങളിലെ അക്കാദമിക മികവുകള്‍ പ്രദര്‍ശിപ്പിക്കുകയും  പങ്കുവെക്കുകയും ആണ്  എഡ്യുഫെസ്റ്റില്‍ ചെയ്തത്
കഴിഞ്ഞ വര്‍ഷങ്ങളിലെന്ന പോലെ കേരളത്തിലെ  വിദ്യാഭ്യാസ പ്രവര്‍ത്തനങ്ങള്‍ക്ക് വഴികാട്ടിയാവുന്ന നൂതനാശയങ്ങള്‍ അവതരിപ്പിക്കുന്ന വിവിധ  സെഷനുകള്‍ക്ക്  എഡ്യുഫെസ്റ്റ് വേദിയായി. വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ്, ശ്രീ. ജെയിംസ്  മാത്യു എം എല്‍ എ . എസ് സി ഇ ആര്‍ ടി ഡയറക്ടര്‍ ഡോ. ജെ. പ്രസാദ്, പൊതുവിദ്യാഭ്യാസ സംരക്ഷണയജ്ഞം സി ഇ ഒ  പി. കെ ജയശ്രീ ഐ എ എസ്, കോ- ഓര്‍ഡിനേറ്റര്‍  സി. രാമകൃഷ്ണന്‍ , എച്ച് എസ് എസ് ജോയിന്റ് ഡയറക്ടര് ശ്രീ. പി. പി. പ്രകാശന്‍, എസ് എസ് എ സ്റ്റേറ്റ് കnണ്സള്‍ട്ടന്റ് ഡോ. ടി പി . കലാധരന്‍ തുടങ്ങിയ വിദ്യാഭ്യാസ മേഖലയിലെ പ്രശസ്തര്‍ വിദ്യാഭ്യസ സംഗമത്തിലെ വിശിഷ്ടാതിഥികളായി പ്രവര്‍ത്തനങ്ങല്‍ക്ക് നേതൃത്വം നല്‍കി.



Monday, 15 January 2018

രക്ഷാകര്‍ത്തൃ വിദ്യാഭ്യാസത്തിനു തുടക്കമായി

രക്ഷിതാക്കള്‍ക്കായി സംസ്ഥാന വിദ്യാഭ്യാസ വകുപ്പ് ആസൂത്രണം ചെയ്ത ക്ലാസുകള്‍ക്ക് കണ്ണൂര്‍ ജില്ലയില്‍ തുടക്കമായി. ചെറുമാവിലായി യു പി സ്കൂളില്‍ ജില്ലാ പഞ്ചായത്ത് പ്രസി‍‍ഡണ്ട് കെ വി സുമേഷ് ഉദ്ഘാടനം നിര്‍വഹിച്ചു. ‍
ഡി ഡി ഇ കരുണാകരന്‍, ഡയറ്റ് പ്രിന്‍സിപ്പല്‍ കെ പ്രഭാകരന്‍, ഡി പി ഒ ഡോ. പി വി പുരുഷോത്തമന്‍, ഡയറ്റ് സീനിയര്‍ ലക്ചറര്‍ കെ വി പദ്മനാഭന്‍, ഡി ഇ ഒ ലീല കെ വി, എ ഇ ഒ ഉഷ കെ, ബി പി ഒ പ്രകാശ് തുടങ്ങിയവര്‍ സന്നിഹിതരായിരുന്നു. ഡയറ്റ് ഫാക്കല്‍ട്ടി രമേശന്‍ കടൂര്‍, ട്രെയിനര്‍ പി ശിവദാസന്‍ എന്നിവര്‍ ക്ലാസെടുത്തു.

Tuesday, 31 October 2017

സെമിനാര്‍ - "വായനയും സമൂഹവും "


2017  നവംബര്‍  1  ബുധന്‍  ഉച്ചക്ക്  2  മണിക്ക്    - ശിക്ഷക് സദന്‍, കണ്ണൂര്‍'